Իսրայելը հարվածում է Բեյրութի հարավային արվարձաններին
Իսրայելի ռազմաօդային ուժերի ինքնաթիռներն առնվազն երեք հարված են հասցրել Բեյրութի հարավային արվարձաններին, հայտնում է РИА Новости-ի թղթակիցը։
Առաջին երկու հարվածները հասցվել են Ռուվեյս շրջանում գտնվող բնակելի շենքերին, իսկ մյուսը՝ Բիր ալ-Աբեդի մերձակայքում:
Նշվում է, որ Բեյրութի երկնքում լսվում են ռազմական ինքնաթիռների թռիչքների ձայները։
Ավելի վաղ իսրայելական բանակի խոսնակը X սոցիալական ցանցի իր էջում կոչ էր արել Լիբանանի մայրաքաղաքի արվարձանների մի քանի շրջանների բնակիչներին լքել իրենց տները։ Ընդհանուր առմամբ կա 12 թիրախ, բոլորն էլ բնակելի բազմահարկ շենքեր են։
