Իսրայելը նախազգուշացնում է Բեյրութի բնակիչներին
Լիբանանի մայրաքաղաքի կենտրոնական մասի չորս թաղամասերի բնակիչներին խորհուրդ է տրվել շտապ տարհանվել անվտանգ վայր՝ կապված «Հեզբոլլահ» շիական կազմակերպության թիրախներին Իսրայելի ռազմաօդային ուժերի առաջիկա հարվածների հետ, գրել է ТАСС-ը:
Ինչպես X-ում արաբերենով տեղեկացրել է Իսրայելի պաշտպանության բանակի խոսնակ Ավիչայ Էդրին, օդային հարձակումներ կլինեն Ռաս Բեյրութ, Կորնիշ Մազրաա, Մսեյթբե և Զուկաք էլ Բլաթ թաղամասերի վրա: Նա նշել է, որ հարվածները կհասցվեն այն շենքերին, որտեղ գտնվում են Լիբանանում «Հեզբոլլահի» գործունեությունը հովանավորող «Ալ-Քարդ Ալ Հասան» ֆինանսական և վարկային ասոցիացիայի գրասենյակները։
«Ձեր ընտանիքների անվտանգության համար դուք պետք է անհապաղ լքեք այս շրջանների տները և մնաք դրանցից առնվազն 500 մետր հեռավորության վրա», - ասվում է հաղորդագրության մեջ:
«Իսրայելական բանակը շուտով կսկսի ինտենսիվ գործողություններ Բեյրութի հարավում գտնվող ցամաքային թիրախների դեմ»,- գրել է նա:
