Արհեստական բանականությունը չպետք է վերահսկի միջուկային զենքը. ԱՄՆ և Չինաստանի ղեկավարներ
ԱՄՆ նախագահ Ջո Բայդենը եւ Չինաստանի նախագահ Սի Ցզինպինը հանդիպման ժամանակ պայմանավորվել են, որ արհեստական բանականության (ԱԲ) զարգացման ֆոնին կարևոր է պահպանել մարդկային վերահսկողությունը միջուկային զենքի օգտագործման որոշման նկատմամբ:
Այսօր հայտարարել է ԱՄՆ նախագահի ազգային անվտանգության հարցերով օգնական Ջեյք Սալիվանը:
«Այսօր երկու առաջնորդները կարեւոր քայլ են կատարել ԱԲ-ն անվտանգության եւ ռիսկի հարցում, նրանք համաձայնել են միջուկային զենքի կիրառման որոշման նկատմամբ մարդկային վերահսկողության պահպանման անհրաժեշտության հարցում: Մենք կարող էինք պատասխանատու կերպով աշխատել ռիսկերի կառավարման ոլորտում»,- ասել է Սալիվանը լրագրողերին:
Ջո Բայդենը և Սի Ցզինպինը նաև ընդգծել են հնարավոր ռիսկերի մանրակրկիտ դիտարկման և ռազմական ոլորտում արհեստական բանականության տեխնոլոգիաների խելամիտ և պատասխանատու զարգացման անհրաժեշտությունը:
