Ալիևը՝ Հայաստանի հետ խաղաղության պայմանագրի քննարկումների մասին

«Ադրբեջանն ու Հայաստանը խաղաղության պայմանագրի տեքստի համաձայնեցման վերջնական փուլում են և քննարկումները կշարունակեն նոյեմբերի 11-22-ը Բաքվում կայանալիք ՄԱԿ-ի կլիմայի հարցերով СОР29 համաժողովից հետո»,- ասել է Ալիևը Շոլցի հետ հեռախոսազրույցի ժամանակ։ 

Գերմանիայի կանցլերը Բաքվում սպասվող ՄԱԿ-ի Կլիմայի միջազգային համաժողովի մեկնարկից առաջ է հեռախոսազրույց ունեցել Ադրբեջանի նախագահի հետ: Շոլցն Ալիևի հետ քննարկել է նաև Երևանի հետ խաղաղության պայմանագրի տեքստին վերաբերող բանակցությունների կարգավիճակը: Այս մասին հայտնել է Գերմանիայի կառավարության պաշտոնական ներկայացուցչի տեղակալ Քրիստիանե Հոֆմանը։ Ալիևը դաշնային կանցլերին պատմել է COP29-ում Ադրբեջանի նախագահության նպատակների մասին, մինչդեռ Շոլցն ընդգծել է «կլիմայի վերաբերյալ հաջող համաժողովի անհրաժեշտությունը»:

Օլաֆ Շոլցը նաեւ Ալիեւի հետ քննարկել է Ադրբեջանի եւ Հայաստանի միջեւ խաղաղության պայմանագրի շուրջ տեղի ունեցող բանակցությունների կարգավիճակը եւ հաստատել Է Գերմանիայի պատրաստակամությունը՝ աջակցելու այդ երկրների միջեւ բարիդրացիական հարաբերությունների կառուցմանը:

Հիշեցնենք, որ այս տարվա փետրվարին Գերմանիայի կանցլերը, Իլհամ Ալիևը և Հայաստանի վարչապետ Նիկոլ Փաշինյանը պայմանավորվել էին Բեռլինում խաղաղության բանակցություններ սկսել: Շոլցը ողջունել է երկու կողմերի պատրաստակամությունը: