Պենտագոնը հանել է Ուկրաինայում ամերիկյան կապալառուների ներկայության արգելքը
Պենտագոնը հանել է Ուկրաինայում ամերիկյան կապալառուների ներկայության արգելքը՝ Կիևին մատակարարվող զենքերը վերանորոգելու համար։ Այս մասին հայտնում է Reuters-ը՝ հղում անելով ամերիկացի պաշտոնյաներին։ Նշվում է, որ Բայդենի վարչակազմը որոշել է վերացնել այդ սահմանափակումը իշխանության մնալու վերջին ամիսներին։
Գործակալության աղբյուրը պնդում է, որ կապալառուների թիվը փոքր կլինի, նրանք կտեղակայվեն առաջնագծից հեռու և չեն մասնակցի ռազմական գործողություններին։
Foreign Policy-ն ավելի վաղ գրել էր, որ Կիևին, մասնավորապես, արգելված է վերանորոգել ամերիկյան M777 հաուբիցների փողերը։
