Պատերազմ հրահրողների ժամանակը լրացել է. Մասկ

Ամերիկացի գործարար Իլոն Մասկը նոյեմբերի 6-ին մասնակցել է նորընտիր նախագահ Դոնալդ Թրամփի և Ուկրաինայի առաջնորդ Վլադիմիր Զելենսկու հեռախոսազրույցին, որը տևել է 25 րոպե։ Այս մասին հայտնում է Axios-ը։

Նշվում է, որ Մասկը ասել է, որ շարունակելու է Ուկրաինային Starlink համակարգին հասանելիություն տրամադրել։

Ավելի ուշ Մասկը X-ում կանխատեսել է Ուկրաինայում ռազմական հակամարտության մոտալուտ ավարտը։

Նա մեկնաբանել է Newsweek-ի լուրերն այն մասին, որ Թրամփը նախատեսում է 800 մղոնանոց ապառազմականացված գոտի ստեղծել Ռուսաստանի և Ուկրաինայի միջև ճակատային գծի երկայնքով, որտեղ կտեղակայվեն բրիտանական և եվրոպական զորքեր։

 «Շուտով կվերջանան անիմաստ սպանությունները։ Ժամանակը պատերազմ հրահրողների և շահամոլների համար լրացել է»,- գրել է Մասկը: