Թրամփի հաղթանակից հետո ԱՄՆ-ում սկսել են գնել բռնակալության և հակաուտոպիայի մասին գրքեր

Բռնակալության, ծայրահեղ աջ քաղաքականության և դիստոպիայի մասին գրքերի վաճառքը Միացյալ Նահանգներում աճել է ընտրություններում հանրապետական ​​Դոնալդ Թրամփի հաղթանակից հետո: Այս մասին հայտնում է The Guardian թերթը։

 Նշվում է, որ Մարգարեթ Էթվուդի «Աղախնի պատմությունը» գիրքը բարձրացել է ավելի քան 400 հորիզոնականով և զբաղեցրել է երրորդ տեղը Amazon հարթակի վաճառքի ամերիկյան վարկանիշում։ Թիմոթի Սնայդերի «On Tyranny»-ն վաճառքի վարկանիշում բարձրացել է ավելի քան 100 հորիզոնականով: Ամերիկացիները նույնպես սկսել են ավելի շատ գնել Ջորջ Օրուելի «1984» վեպը:

 ԱՄՆ-ի նախագահական ընտրությունների քվեարկությունն ավարտվել է նոյեմբերի 6-ի առավոտյան՝ Երևանի ժամանակով։ Պաշտոնական արդյունքները դեռ չեն ամփոփվել, սակայն, ըստ ամերիկյան լրատվամիջոցների, Թրամփն արդեն հավաքել է մոտ 300 ընտրական ձայն։ Նա ինքն իրեն արդեն հայտարարել է ԱՄՆ 47-րդ նախագահ։ Իշխող Դեմոկրատական ​​կուսակցության թեկնածու Քամալա Հարիսն ընդունել է իր պարտությունը և Թրամփին անվանել հանրապետական ​​նորընտիր նախագահ։