ԱՄՆ-ում Ավստրալիայի դեսպանը ջնջել է Թրամփի մասին բացասական մեկնաբանությունները իր էջերից
ԱՄՆ-ում Ավստրալիայի դեսպան Քևին Ռադը, ով սոցիալական ցանցերում բազմիցս բացասաբար է արտահայտվել ԱՄՆ նախկին նախագահ Դոնալդ Թրամփի մասին, ջնջել է նրան քննադատող մեկնաբանությունները նախագահական ընտրություններում Թրամփի հաղթանակի մասին հայտարարելուց հետո։
«Միացյալ Նահանգների նախագահի պաշտոնի նկատմամբ հարգանքից ելնելով և նախագահ Թրամփի ընտրվելուց հետո դեսպան Ռադը հեռացրել է այս հին մեկնաբանությունները իր անձնական կայքից և սոցիալական մեդիայի ալիքներից»,- ասվում է Ռադի կայքում։
Նշվում է, որ Ռադը նախկինում «ակտիվորեն մեկնաբանել է ամերիկյան քաղաքականությունը», քանի դեռ չէր ստանձնել դեսպանի դերը, և նրա հայտարարությունները հեռացվել են սոցիալական ցանցերից, որպեսզի ոչ ոք դրանք չմեկնաբանի որպես Ավստրալիայի պաշտոնական դիրքորոշում Թրամփի նկատմամբ։
Իր հերթին, Sydney Morning Herald-ը հիշեցնում է, որ Ռադը նախկինում Թրամփին անվանել է «Արևմուտքի դավաճան» և Միացյալ Նահանգների «պատմության մեջ ամենակործանարար նախագահը»:
