Նեթանյահուն և Թրամփը քննարկել են իրանական սպառնալիքը
Բենիամին Նեթանյահուն չորեքշաբթի քննարկել է Իսրայելի անվտանգության ապահովման և իրանական սպառնալիքի դեմ համատեղ ջանքերը Դոնալդ Թրամփի հետ, ով հայտարարել է ԱՄՆ նախագահական ընտրություններում իր հաղթանակի մասին, հայտնել են Իսրայելի վարչապետի գրասենյակից։ Այս մասին գրում է РИА Новости–ն:
«Վարչապետ Բենիամին Նեթանյահուն այսօր երեկոյան զրուցել է ԱՄՆ նորընտիր նախագահ Դոնալդ Թրամփի հետ։ Իսրայելի վարչապետն առաջիններից էր, ով զանգահարեց ԱՄՆ նորընտիր նախագահին։ Զրույցը ջերմ ու սրտաբուխ էր։ Վարչապետը շնորհավորեց Թրամփին ընտրություններում հաղթանակի կապակցությամբ։ Նրանք պայմանավորվել են միասին աշխատել Իսրայելի անվտանգության համար։ Նրանք նաև քննարկել են իրանական սպառնալիքը»,– նշվում է հաղորդագրության մեջ։
