Ֆլորիդայի ընտրատեղամասը, որտեղ Թրամփը կքվեարկի` հսկվում է
Տեղի ոստիկանությունը և դաշնային գործակալները վաղ առավոտից հսկում են Ֆլորիդայի Պալմ Բիչ առողջարանային քաղաքի ընտրատեղամասը, որտեղ կքվեարկի նախկին նախագահ Դոնալդ Թրամփը` կրկին հավակնելով պետության ղեկավարի պաշտոնին, հայտնում է Associated Press-ը։
Ընտրատեղամասի բացման պահից մեկ ժամ չանցած արդեն նկատելի էին առնվազն 15 իրավապահներ՝ տեղական շերիֆի տեղակալներից մինչև գաղտնի ծառայության աշխատակիցներ:
Ֆլորիդայում ընտրատեղամասերը բացվել են առավոտյան ժամը յոթին (Մոսկվայի ժամանակով ժամը 15.00-ին): Սպասվում է, որ նախկին նախագահը կքվեարկի օրվա ընթացքում:
Հիշեցնենք, որ այսօր ընթանում է ԱՄՆ նախագահական ընտրությունները։ Դեմոկրատական կուսակցությունը կներկայացնի փոխնախագահ Քամալա Հարիսը, իսկ Հանրապետական կուսակցությունը՝ նախկին նախագահ Դոնալդ Թրամփը։ Շատ նահանգներում արդեն տեղի է ունեցել վաղաժամ քվեարկություն։
