Այդ քայլը կօգնի հաշտեցմանը․ Արսենյան

Ադրբեջանում պահվող հայ գերիների ազատ արձակումը մեծապես կօգնի Երևանի և Բաքվի հաշտեցմանը։ Այս մասին հավատարմագրերի հանձնման արարողությունից հետո լրագրողներին ասել է ՌԴ-ում ՀՀ դեսպան Գուրգեն Արսենյանը։

«Գերության մեջ պահվող անձանց վերաբերյալ մնացած հարցերը պետք է տրվեն ադրբեջանական կողմին։ Եթե Երևանն ու Բաքուն գնում են խաղաղության պայմանագիր կնքելու ճանապարհով, պատրաստվում են ամբողջ աշխարհին հայտարարել, որ 2 պետությունը, 2 ազգն ապրելու են խաղաղ և համագործակցելով, ապա պետք է սկսել քայլերից, որոնք պետք է գնահատվեն»,–ասել է նա։

Դեսպանը հրաժարվել է մեկնաբանել Ադրբեջանում ապօրինի պահվող ռուսաստանցի նախկին գործարար Ռուբեն Վարդանյանի մասին առանձին հարցը՝ նշելով, որ Երևանի համար Հայաստանի քաղաքացիների միջև տարբերություն չկա: