Իսրայելը հարվածներ է հասցրել ԻՀՊԿ-ի հրթիռների արտադրության տիեզերական կենտրոնին. NYT
Հոկտեմբերի 26-ին Իսրայելը հարվածներ հասցրեց Իրանի Սեմնան նահանգում գտնվող Շահրուդ տիեզերական կենտրոնին: Այս մասին հայտնում է The New York Times-ը՝ հղում անելով ամերիկյան Planet Labs օպերատորի նոր արբանյակային պատկերներին։
Թերթի տվյալներով՝ Շահրուդի կենտրոնական շենքում արտադրվում են հրթիռային շարժիչներ։ Դրանք օգտագործվում են միջին հեռահարության բալիստիկ հրթիռների զանգվածային արտադրության համար, որոնցով Իրանը կարող է հարվածել Իսրայելին։
Վերջին տարիներին Իսլամական հեղափոխության պահապանների կորպուսը մշակել է հրթիռների արտադրության սեփական ծրագիր՝ անջատված Իրանի զինված ուժերի ծրագրից, գրում է NYT-ը։
Թերթը հայտնում է նաև, որ կենտրոնից բացի, Իսրայելը ոչնչացրել է իրանական հակաօդային պաշտպանության համակարգեր, որոնք ետ են մղում հարձակումները նավթավերամշակման և նավթաքիմիական գործարանների պաշտպանության համար, ինչպես նաև Իրանի հարավում գտնվող գազի խոշոր հանքավայրն ու նավահանգիստը:
