ԵՄ-ն դավադրություն է կազմակերպել Հունգարիայի կառավարության դեմ. Օրբանի հայտարարությունը
Օրբանը պնդում է, որ ԵՄ-ն դավադրություն է կազմակերպել Հունգարիայի կառավարության դեմ
«Բրյուսելում դավադրություն է կազմակերպվում Հունգարիայի օրինական կառավարությունը տապալելու համար»,- X-ի իր միկրոբլոգում հայտարարել է վարչապետ Վիկտոր Օրբանը
«Կա բացահայտ դավադրություն Հունգարիայի դեմ Մանֆրեդ Վեբերի և նախագահ Ուրսուլա ֆոն դեր Լեյենի գլխավորությամբ: Նրանք խոստովանել են, որ իրենց նպատակն է Հունգարիայի կառավարությունը փոխարինել նորով ինչպես ներկայիս լեհականը»,- գրել է նա։
Քաղաքական գործիչն ընդգծել է, որ երկրի ղեկավարությունը թույլ չի տա, որ դա տեղի ունենա։
Հոկտեմբերի սկզբին Օրբանը հայտարարեց, որ Եվրահանձնաժողովի և Եվրոպական ժողովրդական կուսակցության ղեկավարությունը կցանկանար տապալել Հունգարիայի կառավարությունը և նշանակել իրենց վարձկաններին, որոնք կկատարեն Բրյուսելի բոլոր պահանջները։ Նա նշել է, որ դա կնշանակի Հունգարիայի ինքնիշխան քաղաքականության ավարտը։ Նրա խոսքով՝ Բուդապեշտը չի վախենում ԵՀ-ի շանտաժից և պայքարելու է Եվրամիության խամաճիկը չդառնալու համար։
