Դա ազդանշան Էր Բրյուսելի համար․ Միշել

ԵՄ-ն Կազանում BRICS-ի գագաթնաժողովի արդյունքում ազդանշան է ստացել դադարեցնել «դասախոսություններ կարդալը» աշխարհի մյուս երկրներին: Այս մասին բրիտանական Financial Times թերթին հայտնել է Եվրոպական խորհրդի ղեկավար Շառլ Միշելը։

«Մենք համոզված ենք, որ գիտենք, թե ինչն է ճիշտ և ինչը՝ սխալ։ Եվ մենք ջանքեր չենք գործադրում, համենայն դեպս, հասկանալու համար, թե ինչ պատճառներով են այլ երկրներ այլ կերպ են մտածում», - ընդգծել է նա։

Միշելի խոսքով՝ ԵՄ-ն պետք է ավելի մեծ հարգանք ցուցաբերի զարգացող երկրների նկատմամբ, որոնց հետ դաշինքը ռազմավարական, առեւտրային կամ քաղաքական համագործակցության համաձայնագրեր է ստորագրել:

ԵՄ գործընկեր երկրների մասնակցությունը ԲՐԻԿՍ-ի՝ Կազանում կայացած գագաթաժողովին ազդանշան Էր Բրյուսելի համար՝ դադարեցնել «դասախոսություններ կարդալ» աշխարհի այլ մասերին, հավելել է նա: