Թրամփին մերժել են և չեն տրամադրել Հարիսի հարցազրույցի ամբողջական տարբերակը

CBS News-ը հրաժարվել է հրապարակել  Քամալա Հարիսի հետ հարցազրույցի ամբողջական և չխմբագրված տարբերակը: Նրա հակառակորդ Դոնալդ Թրամփը պահանջում է  հրապարարակել դա, սակայն լրատվականը վկայակոչել է Սահմանադրության առաջին փոփոխությունը, որը երաշխավորում է խոսքի ազատությունը։

60 Minutes-ը արժանապատիվ աշխատանք կատարեց հարցազրույցը ներկայացնելու համար, որպեսզի իրազեկի, այլ ոչ թե մոլորեցնի իր լսարանին: «Ձեր պնդումը, որ 60 Minutes-ն անազնիվ է գործել, բացարձակապես անհիմն է», - ասվում է CBS News-ի նամակում, որն ուղարկվել է Թրամփի փաստաբաններին:

Նամակում նշվում է, որ հարցազրույցն իսկապես խմբագրվել է, բայց միայն փոխնախագահի`  շատ պատասխաններ հնչեցնելու պատճառով, քանի որ հաղորդման ձևաչափը թույլատրում է օգտագործել ոչ ավելի քան 21 րոպե:

«Ձեր խնդրանքի մեջ իրավական հիմք չկա, որ մենք ձեզ տրամադրենք հարցազրույցի չխմբագրված տարբերակը, ուստի մենք հրաժարվում ենք դա անել»,- ասվում է Թրամփին ուղղված նամակում:

Նշենք, որ Հարրիսի հետ սկանդալային հարցազրույցը հեռարձակվել է հոկտեմբերի սկզբին 60 Minutes հաղորդաշարի շրջանակում: Հարցազրույցից առաջ հրապարակված նախադիտման մեջ Հարրիսը չի կարողացել հստակ պատասխանել հաղորդավարի հարցին Իսրայելի նկատմամբ ԱՄՆ քաղաքականության մասին, ինչի համար նրան ծաղրում էին հանրապետականները: Սակայն հեռուստաալիքով ցուցադրված ամբողջական տարբերակը չի պարունակում այս դրվագը։ Թրամփը CBS-ին մեղադրել է խարդախության մեջ և պահանջել հեռուստաալիքին զրկել հեռարձակման արտոնագրից, ինչպես նաև տրամադրել հարցազրույցի ամբողջական տարբերակը։