Իլոն Մասկը կարող է հայտնվել ճաղերի հետևում
Հանրապետական թեկնածու Դոնալդ Թրամփի նախընտրական քարոզարշավին՝ ամենահարուստ ՏՏ հսկայի կողմից աճող աջակցությունը լրջորեն անհանգստացրել է ԱՄՆ նախագահ Ջո Բայդենի վարչակազմին։
CNN-ի փոխանցմամբ՝ ԱՄՆ արդարադատության նախարարությունը նամակ է հղել Tesla-ի և SpaceX-ի հիմնադիր աշխարհի ամենահարուստ մարդուն՝ Իլոն Մասկին։ Նամակում ԱՄՆ արդարադատության նախարարությունը զգուշացրել է Մասկին, որ պահպանողական ընտրազանգվածին օրական 1 միլիոն դոլար հատկացնելու իր նախաձեռնությունը կարող է դիտվել, որպես օրինախախտում՝ ընտրակաշառքի բաժանում։
Օրեր առաջ հայտնել էինք, որ 195 միլիարդ դոլար կարողությամբ աշխարհի ամենահարուստ մարդկանցից մեկը համարվող Իլոն Մասկը խոստացել է ԱՄՆ սահմանադրության պաշտպանությանն ուղղված օնլայն պետիցիային քվեարկողների մեջ օրական մեկ միլիոն դոլար խաղարկել մինչև նոյեմբերի 5-ին տեղի ունենալիք նախագահական ընտրությունները։
