ԲՐԻԿՍ-ը ձգտում է համագործակցության՝ հիմնված ՄԱԿ-ի սկզբունքների վրա. Պուտին

ԲՐԻԿՍ–ի երկրները միասնաբար հանդես են գալիս համաշխարհային ասպարեզում ՄԱԿ-ի հիմնական սկզբունքների հիման վրա համագործակցության ակտիվացման օգտին: Այս մասին հայտարարել է ՌԴ նախագահ Վլադիմիր Պուտինը։

«ԲՐԻԿՍ-ի երկրները միասնաբար հանդես են գալիս համաշխարհային ասպարեզում ՄԱԿ-ի կանոնադրության առանցքային սկզբունքների հիման վրա համագործակցության ակտիվացման օգտին, միասին ձգտում են ամեն կերպ նպաստել արդար բազմաբևեռ աշխարհակարգի ձևավորմանը՝ գլոբալ հարավի և արևելքի երկրների վճռական մասնակցությամբ միջազգային կառավարման համակարգերում», - ասել է Պուտինը ԲՐԻԿՍ-ի գագաթնաժողովի պատվին կազմակերպված գալա ընդունելության ժամանակ, որը տեղի է ունենում Կազանում գագաթնաժողովի շրջանակներում։

Հանդիսավոր միջոցառմանը մասնակցում են ինչպես ԲՐԻԿՍ-ի երկրների պատվիրակությունների ղեկավարները, այնպես էլ հրավիրված առաջնորդները, ովքեր ժամանել են Կազան՝ մասնակցելու ասոցիացիայի միջոցառումներին: