ՏԵՍԱՆՅՈՒԹ. Շանթ Խաչատրյանը եզրափակիչում է. փայլուն հաղթանակ
Հայաստանի ներկայացուցիչ Շանթ Խաչատրյանը կպայքարի Ալբանիայի մայրաքաղաք Տիրանայում անցկացվող հունահռոմեական ոճի ըմբշամարտի աշխարհի մինչեւ 23 տարեկանների առաջնության տիտղոսի համար։
72 կգ քաշային կարգի կիսաեզրափակիչում նա 9:0 հաշվով հաղթեց շվեդ Գեորգիոս Բարբանոսին։
Շանթ Խաչատրյանը որակավորման փուլում 10։0 հաշվով հաղթել էր շվեյցարացի Միխայել Պորտմանին։ 1/8 եզրափակիչում նա 9։0 հաշվով պարտության էր մատնել ճապոնացի Կենսակու Օնոյին, 1/4 եզրափակիչում 9:0 հաշվով հաղթել էր իրանցի Սեյեդ Սոհրաբիին։
Եզրափակիչում Շանթ Խաչատրյանի մրցակիցը կլինի վրացի Գեորգի Չխիկվաձեն։
