Որքան աշխատավարձ է ստանում Պետրակովը

Ալեքսանդր Պետրակովի՝ Հայաստանի ազգային հավաքականի գլխավոր մարզիչ նշանակվելու պահից ի վեր մամուլում մշտապես շահարկվել է նրա ստացած աշխատավարձի չափը: Նշվել է, որ նա տարեկան ստանում է 600 հազար եվրո, իսկ վերջերս նաև հանդիպել եմ անհիմն տեղեկություններ, որ նրա աշխատավարձը կազմում է շուրջ 2 միլիոն եվրո:

Այս մասին իր ֆեյսբուքում գրառում է արել ֆուտբոլային մեկնաբան, ինսայդեռ Սուրեն Մելիքսեթյանը:

«Ասեմ, որ այս թվերը ոչ միայն իրական չեն, այլև կիլոմետրերով հեռու են իրականությունից: Ես ի սկզբանե տիրապետել եմ իրական թվերին, ուղղակի, էթիկայից ելնելով, հարկ չեմ համարել բարձրաձայնել դրանց մասին: Հիմա, երբ Պետրակովն արդեն ավարտել է իր գործունեությունը Հայաստանի հավաքականում, կարող եմ հանգիստ ասել, որ նրա ամսական աշխատավարձը կազմել է մոտ 20 հազար եվրո, ինչը, ի դեպ, ավելի քիչ է, քան Հայաաստանի ազգային հավաքականում աշխատած որոշ հայազգի մարզիչներինը»,-գրել է նա: