Իսրայելը կողմնորոշվել Է Իրանին պատասխան հարվածի թիրախների հարցում
Ամերիկացի պաշտոնյաները կարծում են, որ Իսրայելը «փոքրացրել է թիրախների շրջանակը Իրանի հարձակմանը պատասխան հարված հասցնելու համար»: Այս մասին հայտնել Է NBC News հեռուստաալիքը։
Դրա տվյալներով՝ «խոսքը Իրանի ռազմական և էներգետիկ ենթակառուցվածքների մասին է»։ Ընդ որում, ինչպես նշում Է հեռուստաալիքը, չկան ցուցումներ, որ Իսրայելը «ծրագրում է հարվածներ հասցնել միջուկային օբյեկտներին»:
«ԱՄՆ-ը տեղեկություն չունի այն մասին, որ պատասխանը լինելու է այսօր։ Պարզ չէ՝ արդյոք նրանք ինքները որոշել են ժամկետները, թե ոչ»,- իր աղբյուրների խոսքերն է մեջբերում լրատվամիջոցը։
BBC News-ի տեղեկություններով՝ ԱՄՆ պաշտպանության նախարար Լլոյդ Օսթինը հեռախոսազրույց է ունեցել իր իսրայելցի գործընկեր Յոավ Գալանտի հետ, որի ընթացքում նրանք քննարկել են ընդհանուր «իսրայելական պատասխանի ուրվագծերը»: Այնուամենայնիվ, անհասկանալի է, թե արդյոք Գալանտը տրամադրել է որևէ հատուկ մանրամասներ,թե ոչ, ընդգծում Է NBC-ն:
Հոկտեմբերի 9-ին Գալանտը հայտարարել էր, որ Իսրայելը չի հրաժարվում իր հրթիռային հարձակմանն ի պատասխան Իրանին հարվածելու ծրագրերից, և որ այն «մահացու և անսպասելի» կլինի այնքան, որ իրանցիները չեն հասցնի որևէ բան հասկանալ:
