Ադրբեջանական բանակին հրահանգվել է պատրաստ լինել հնարավոր սադրանքների դեմ
Այսօր Ադրբեջանի պաշտպանության նախարարությունում պաշտպանության նախարար Զաքիր Հասանովի գլխավորությամբ տեղի է ունեցել ծառայողական խորհրդակցություն:
Ինչպես հաղորդում են ադրբեջանական լրատվամիջոցները, պաշտպանության նախարարը կոնկրետ հանձնարարականներ է տվել զորքերի մարտունակությունը բարձր մակարդակի վրա պահելու, զգոնությունը բարձրացնելու, ինչպես նաև «պայմանական սահմանին ռևանշիստական ուժերի բոլոր հնարավոր սադրանքների դեմ կանխարգելիչ միջոցներ ձեռնարկելու պատրաստակամության վերաբերյալ»:
Զաքիր Հասանովը հանձնարարել է ապահովել բանակի պատրաստվածությունը «հնարավոր սադրանքների դեմ»։
Խորհրդակցության մասնակիցներին ասվել է հիմնական պահանջներից մեկը՝ ադրբեջանական բանակի զինանոցում ներառված նոր սպառազինության, տեխնիկայի և օդային հարձակման միջոցների հնարավորությունների խորը ուսումնասիրությունը, դրանց ճիշտ շահագործումը և զորավարժություններում արդյունավետ մարտական կիրառումը:
