Ավելի քան 300 հարված՝ Լիբանանին․ կան հարյուրավոր զոհեր և վիրավորներ

Իսրայելի պաշտպանության բանակը երկուշաբթի առավոտյան հայտարարել է, որ լայնածավալ ավիահարվածներ է հասցրել Լիբանանում «Հեզբոլլահ» շարժման թիրախներին։ Այս մասին գրում է timesofisrael.com-ը:

Նշվում է, որ Լիբանանի սահմանամերձ գյուղերի բնակիչները նախազգուշացվել են, նրանց կոչ է արվել արագ հեռանալ այն տներից, որոնք «Հեզբոլլահ»-ն օգտագործում է զենք պահելու համար:

Մինչդեռ Լիբանանի առողջապահության նախարարությունը հայտնել է, որ Իսրայելի ավիահարվածներից զոհերի թիվը հասել է 100-ի, կա 400 վիրավոր:

Զինվորականները հայտնել են, որ հայտնաբերել են «Հեզբոլլահ»-ի օպերատորներին, որոնք պատրաստվում էին հրթիռային հարձակումներ իրականացնել Իսրայելի վրա:

Իսրայելի ռազմաօդային ուժերը, ժամը 12:30-ի դրությամբ, տասնյակ կործանիչների միջոցով ավելի քան 300 հարված են հասցրել Լիբանանում «Հեզբոլլահ»-ի թիրախներին: