Իսրայելի հյուսիսում հատուկ իրավիճակ է սահմանվել` Լիբանանի հետ իրավիճակի սրման ֆոնին
Իսրայելի հյուսիսում՝ Հայֆայից մինչև Լիբանանի սահմանը, հատուկ իրավիճակ է սահմանվել, հայտարարել է Իսրայելի պաշտպանության բանակի խոսնակ Դանիել Հագարին։
Նրա խոսքով՝ կա հավանականություն, որ մոտ ապագայում Իսրայելի տարածքը կարող է հրթիռակոծության ենթարկվել Հեզբոլլահի կողմից։
« Նրանք, ովքեր հնարավորություն ունեն պատսպարվել պահպանվող տարածքներում, կարող են գնալ դպրոց և աշխատել (Խմբ.` Իսրայելում կիրակին համարվում է աշխատանքային օր): Եթե գիշերվա ընթացքում որևէ փոփոխություն լինի, Իսրայելի պաշտպանության բանակի նյութատեխնիկական ծառայությունը կզգուշացնի հյուսիսի բնակիչներին»,- հավելել է Հագարին:
Բացի այդ, որպես քաղաքացիների պաշտպանության նոր ուղեցույցների մաս, բաց տարածքներում միջոցառումները սահմանափակվում են 30 հոգով, իսկ շենքերում՝ 300 հոգով:
