Իսրայելի գլխավոր շտաբի պետը հաստատել է երկրի հյուսիսում ռազմական գործողությունների պլանը

Իսրայելի զինված ուժերի գլխավոր շտաբի պետ Հերզի Հալևին հաստատել է երկրի հյուսիսում հետագա ռազմական գործողությունների պլանը, որտեղ զինվորականները շուրջ մեկ տարի փոխհրաձգության մեջ են եղել լիբանանյան «Հեզբոլլահ» խմբավորման գրոհայինների հետ, գրում է The Times of Israel-ը։

Ծրագիրը հաստատվել է իսրայելա-լիբանանյան սահմանին իրավիճակի սրման ֆոնին։ Իսրայելական լրատվամիջոցները չեն նշում, թե կոնկրետ ինչ է ներառում նոր ծրագիրը։

Սեպտեմբերի 19-ին իսրայելական ավիացիան հարվածներ է հասցրել Լիբանանի հարավում գտնվող «Հեզբոլլահի» դիրքերին։ Խմբավորման մարտիկներն իրենց հերթին հրթիռներով ու անօդաչու սարքերով գնդակոծել են սահմանին գտնվող իսրայելական դիրքերը։