Ճապոնիան կործանիչներ է բարձրացրել ռուսական ինքնաթիռների պատճառով

Ճապոնիայի ռազմաօդային ուժերը կործանիչներ են օդ բարձրացրել ռուսական երկու Ту-142-ը որսալու համար։ Այս մասին ԶԼՄ-ները տեղեկացել են Ճապոնիայի պաշտպանության նախարարության հայտարարությունից։

Նշվում է, որ ինքնաթիռները թռիչք են կատարել հինգշաբթի առավոտյան Ճապոնիայի և Հարավային Կորեայի միջև ծովի վրայով և ուղևորվել են դեպի Օկինավա պրեֆեկտուրա։

Հաղորդվում է, որ ռուսական օդանավերը չեն խախտել Ճապոնիայի օդային տարածքը։ Սակայն, նրանք անցել են մի գոտիով, որը երկրների միջեւ տարածքային վեճի առարկա է։