Ականատեսները հրապարակել են կադրեր, թե ինչպես է մեքենան Լոս Անջելեսում անտառային հրդեհի միջով անցնում։

Հիշեցնենք՝ ամերիկյան Կալիֆորնիայում անտառային հրդեհները տարածվում են անհավանական արագությամբ։ Հրդեհն արդեն հասել է բնակելի տներ և ստիպել տարհանել հարյուրավոր մարդկանց։ Շոգն ու երաշտը հրշեջներին խանգարում են պայքարել կրակի դեմ։ Նահանգի ամենամեծ քաղաքը՝ Լոս Անջելեսը, ծածկված է երեք անտառային հրդեհներով, որոնք ստացել են Airport Fire, Bridge Fire և Line Fire անունները: Այս հրդեհներն արդեն ոչնչացրել են մոտ 60 հազար հեկտար անտառ, ինչպես նաև 40 բնակելի շենք, որոնք գտնվում էին լեռներում։ Կալիֆոռնիայի նահանգապետը արտակարգ դրություն Է հայտարարել Լոս Անջելեսում և հարևան շրջաններում: Մոտ 18 հազար մարդու հրահանգել են տարհանել Սան Բերնարդինոյի շրջանի տներից: