Հնդկաստանի վարչապետը Փաշինյանի հետ հանդիպումից հետո հայերեն գրառում է արել

Հիանալի հանդիպում ունեցա Նիկոլ Փաշինյանի հետ Բիշքեկում: Հնդկաստանի վարչապետ Նարենդրա Մոդին հայերեն գրառում է արել սոցցանցում:

«Հնդկաստանի և Հայաստանի համագործակցությունը, հավանաբար, զարգացում կունենա պաշտպանության, տեղեկատվական տեխնոլոգիաների, տիեզերքի, կրթության, դեղագործության և այլ ոլորտներում։ Մենք վստահ ենք, որ առաջիկայում կխորացնենք առևտրային և ներդրումային կապերը»,–գրել է Հնդկաստանի վարչապետը։

Հիշեցնենք` Բիշքեկում տեղի է ունեցել վարչապետ Նիկոլ Փաշինյանի հանդիպումը Հնդկաստանի վարչապետ Նարենդրա Մոդիի հետ: Այս մասին հայտնում են ՀՀ կառավարությունից:

Զրուցակիցները գոհունակությամբ ընդգծել են Հայաստան-Հնդկաստան հարաբերությունների զարգացման փաստը և կարևորել փոխգործակցությունը նոր մակարդակի բարձրացնելու ուղղությամբ համատեղ քայլերի իրականացումը: