Auroranews-ն ահազանգ է ստացել որ Հյուսիս-հարավ ճանապարհին, Սիլիկյան թաղամաս տանող ուղղության մոտ Opel մակնիշի մեքենա է կողաշրջվել։ Տեղում աշխատում են Ոստիկանության աշխատակիցները։

Shamshyan.com-ը հայտնում է, որ ժամը 13։20-ի սահմաններում Սիլիկյան թաղամասից դեպի Հաղթանակ թաղամաս տանող ճանապարհահատվածում՝ նոր կառուցված Հյուսիս-հարավ ճանապարհին «Opel Astra» մակնիշի ավտոմեքենան բախվել է ճանապարհի բաժանարար գոտում տեղադրված բետոնե արգելապատնեշներին և գլխիվայր շրջվել ու հայտնվել ճանապարհի մեջտեղում։

Վթարի հետևանքով վարորդն ու 1 ուղևոր տեղափոխել են «Արմենիա» բժշկական կենտրոն։

Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է վարորդի և վիրավորի ինքնությունը։

Քննիչի հանձնարարականով՝ ավտոմեքենան տեղափոխվել են ՊԾ Երևան քաղաքի գնդի պահպանվող հատուկ տարածք: