Առնվազն յոթ մարդ է մահացել Եվրոպայում «Բորիս» փոթորկի պատճառով. կան անհետ կորածներ
Առնվազն յոթ մարդ է մահացել Արևելյան և Կենտրոնական Եվրոպայում «Բորիս» փոթորկի հետևանքով: Այս մասին գրում է The Guardian–ը:
«Յոթ մարդ մահացել է Ավստրիայում, Լեհաստանում և Ռումինիայում, ևս չորսը անհայտ կորած են համարվում Չեխիայում»,- հայտնում է հրատարակությունը։
Նշվում է, որ Ավստրիայում ջրհեղեղի հետևանքները վերացնելու ժամանակ հրշեջ է մահացել։
Հորդառատ անձրեւների պատճառով արտակարգ դրություն է մտցվել նաեւ Սլովակիայի մայրաքաղաք Բրատիսլավայում։
Սպասվում է, որ Չեխիայում և Լեհաստանում առատ տեղումները կարող են շարունակվել առնվազն մինչև երկուշաբթի՝ սեպտեմբերի 16-ը։
Ավելի վաղ հաղորդվել էր, որ Չեխիայում ջրհեղեղի պատճառով ավելի քան 10 հազար մարդ է տարհանվել։
