Թրամփը մեղադրել է Սպիտակ տանը և Քամալա Հարիսին իր դեմ մահափորձում
Բանավեճի ընթացքում ԱՄՆ նախկին նախագահ Դոնալդ Թրամփը մեղադրել է Սպիտակ տանը և, մասնավորապես, իր հակառակորդին՝ փոխնախագահ Քամալա Հարիսին, որ իր դեմ մահափորձը տեղի է ունեցել ներկայիս վարչակազմի հարձակումների պատճառով։
«Հավանաբար գլխիս կրակել են այն ամենի պատճառով, ինչ ասում էին իմ մասին: Նրանք խոսում են ժողովրդավարության մասին, այն մասին, թե ես սպառնալիք եմ ժողովրդավարության համար, նրանք են ժողովրդավարության համար սպառնալիք»,- ասել է Թրամփը։
Հուլիսի 13-ին Փենսիլվանիայի Բաթլեր քաղաքում Թրամփի կողմնակիցների հետ հանդիպման ժամանակ 20-ամյա Թոմաս Մեթյու Քրուքսը ինքնաձիգով կրակել է նախկին նախագահին։ Կրակողը տեղում սպանվել է ուժայինների կողմից։ Մահափորձի արդյունքում Թրամփը վիրավորվել է աջ ականջից։
Մահափորձից հետո նախագահի թեկնածուն քննադատել է հետախուզական գործակալությանը անգործության համար՝ ասելով՝ «զարմանալի չէ», որ «մի ժամանակ լեգենդար» կազմակերպությունն «կորցրել է Ամերիկայի վստահությունը»։
Հուլիսի 22-ին ԱՄՆ Կոնգրեսի Ներկայացուցիչների պալատի վերահսկիչ հանձնաժողովը լսումներ է անցկացրել, որին քննարկվել է Թրամփի վրա հարձակման հետ կապված միջադեպը։ Ելույթ ունենալով այնտեղ՝ ԱՄՆ Գաղտնի ծառայության ղեկավար Քիմբերլի Չիթլը խոստովանել է, որ մահափորձը «ամերիկյան գաղտնի ծառայության ամենակարևոր ձախողումն էր վերջին տասնամյակների ընթացքում»։ Հաջորդ օրը նա հրաժարական տվեց։
