Տաջիկստանում դանակահարել են երկրի գլխավոր մուֆթիին
Դուշանբեի կենտրոնական մզկիթի մոտ դանակահարվել է Տաջիկստանի Ուլեմների խորհրդի նախագահ Սաիդմուկարրամ Աբդուլկոդիրզոդան, հանցագործը ձերբակալվել է։ Այս մասին հայտնում են հանրապետության ՆԳՆ մամուլի կենտրոնից, գրում է ТАСС–ը:
Հաղորդագրության մեջ ասվում է, որ փաստի առթիվ հարուցվել է քրեական գործ, կատարվում են քննչական գործողություններ։ Մուֆթին թեթեւ վնասվածքներ է ստացել: Նրան բուժզննումից հետո տուն են ուղարկել։
Դուշանբեի հյուսիսում գտնվող կենտրոնական մզկիթը ամենամեծն է երկրում և կարող է տեղավորել մինչև 180 հազար մարդ։
