Ռուսաստանում հայ գործարար է ձերբակալվել ՌԴ ՊՆ–ից հափշտակում կատարելու գործով
ՌԴ պաշտպանության նախարարությունից հափշտակում կատարելու գործով Կրասնոդարում ձերբակալվել է ազգությամբ հայ գործարար Սուրեն Գրիգորյանը:
«Կրասնոդարում ոստիկանները ձերբակալել են գործարարին, որը կասկածվում է Կրասնոդարի բարձրագույն ռազմական ուսումնարանի կուրսանտական հանրակացարանի վերակառուցման ժամանակ Ռուսաստանի Պաշտպանության նախարարությունից ավելի քան 7,2 մլն ռուբլի հափշտակելու մեջ»,- նշվում է հաղորդագրության մեջ։
Ըստ հաղորդագրության՝ գործարար Սուրեն Գրիգորյանը ձերբակալվել է Կրասնոդարում՝ առանձնապես խոշոր չափերով խարդախության քրեական գործի շրջանակներում:
