Նիգերիայում բենզատարի վթարի հետևանքով զոհերի թիվը հասել է 59-ի
Նիգերիայում բենզատար պայթյունի հետևանքով զոհերի թիվը հասել է 59-ի։ Այս մասին հայտնում է Punch-ը։
Նշվում է, որ բենզատարի վարորդը կորցրել է կառավարումը, մեքենան շրջվել է ու բռնկվել։ Դրանից հետո այրվող բենզատարի մեջ են մխրճվել ճանապարհային գնացքը, որը տեղափոխում էր ավելի քան 60 մարդ և 50 կով, և ևս երկու մեքենա։
Նախնական տեղեկություններով՝ խափանվել են բենզատարի արգելակները։
Իշխանությունները չեն բացառում, որ զոհերի թիվը կարող է աճել։
