ՏԵՍԱՆՅՈՒԹ․ Այսօր Հայաստանում հնարավոր է աշխատանք գտնել․ Փաշինյան
Այս կրթաթոշակների արդյունքում մենք պետք է ստանանք մասնագետներ, բառիս բուն իմաստով, մենք չենք կարող մեզ թույլ տալ բյուջեի միջոցները ծախսել, արդյունքում ստանալ մի նոր խումբ, որն ասում է, որ բարձրագույն կրթության դիպլոմը, նույնիսկ երկու դիպլոմ ձեռս չեմ կարողանում աշխատանք գտնել: Այս մասին այսօր կառավարության նիստում հայտարարեց ՀՀ վարչապետ Նիկոլ Փաշինյանը՝ գյուղատնտեսական ոլորտի մի շարք մասնագիտությունների աջակցելու ծրագրի քննարկման ժամանակ:
«Այս նախադասության մեջ ինչ-որ բան էն չի, որովհետեւ դեպքերի 90 տոկոսում չի կարող լինել այդպես: Ուրեմն կա պրոբլեմ: Իմ պատկերացմամբ, այն մարդը, որ չի կարողանում գտնել որեւէ աշխատանք, թեկուզ ոչ իր մասնագիտությամբ... այսօր Հայաստանում հնարավոր է աշխատանք գտնել: Ընդ որում, մենք պետք է նայենք մեր ագրարային համալսարանի ծրագրերը, թե ինչքանով են դրանք համընկնում այսօրվա կարիքների տրամաբանության ու պահանջարկին: Հատկապես գյուղոլորտում այն գիտելիքը, որ կար 20 տարի առաջ, առնվազն զգալի մասով արդեն հնացած է, թանգարանային նմուշ է: Գյուղատնտեսությունը մեծ տեմպերով փոխվում է: Մենք պետք է այդ ուղերձը հղել, որ 15-20 տարի առաջ եղած գյուղատնտեսությունը հնացած է, իսկ 5 տարի հետո նա ընդհանրապես շանս չունի»,- ընդգծեց Փաշինյանը:
