Մասկը համաձայնել է պատասխանատու լինել Թրամփի օրոք ԱՄՆ կառավարության աուդիտի համար
Ամերիկյան Tesla ընկերության ղեկավար Իլոն Մասկը համաձայնել է գլխավորել ԱՄՆ կառավարության արդյունավետության հանձնաժողովը, որը, նրա խորհրդով, Դոնալդ Թրամփը խոստանում է ստեղծել նախագահ ընտրվելու դեպքում։ Այս մասին հինգշաբթի օրը Նյու Յորքի Տնտեսական ակումբում ելույթի ժամանակ հայտարարել է ինքը՝ Թրամփը։
Հանձնաժողովը կանցկացնի դաշնային կառավարության գործունեության և ֆինանսների համապարփակ աուդիտ և առաջարկություններ կանի «հիմնարար փոփոխությունների» համար», - ասել է նա:
Հանձնաժողովի խնդիրն է լինելու մշակել խարդախությունն ու ոչ պատշաճ վճարումները արմատախիլ անելու ծրագիր, որոնք ամերիկացի հարկատուներին արժեցել են «հարյուր միլիարդավոր դոլարներ» միայն 2022 թվականին:
Թրամփի ելույթից առաջ The Wall Street Journal-ը հրապարակել է նյութ՝ Թրամփի ելույթի տեքստից հատվածներով: Հրապարակումը մեկնաբանել է Իլոն Մասկը X սոցիալական ցանցում:
«Պատրաստ եմ ծառայել Ամերիկային, եթե հնարավորություն լինի... Պարգևներ, կոչումներ, ճանաչում պետք չեն»,- գրել է նա։
