ՏԵՍԱՆՅՈՒԹ. Չորս տղամարդ հարձակվել է հարսանեկան ավտոբուսի վրա. ՌԴ
Մոսկվայի մարզի Շչելկովո օկրուգի ՆԳՆ աշխատակիցները բռնել են ճանապարհատրանսպորտային պատահարի չորս մասնակցի, որոնք կոտրել են հարսանեկան միկրոավտոբուսի ապակիները, տեղեկացրել է «Կոմերսանտը»։
Ավելի վաղ ՆԳՆ պաշտոնական ներկայացուցիչ Իրինա Վոլկը տեղեկացրել էր, որ «Շչելկովսկոյե» հերթապահ մասում տեղեկություն է ստացվել անհայտ անձանց կողմից զենքով հանրային կարգի խախտման մասին։
ՌԴ ՔԿ շրջանի վարչության տեղեկացմամբ՝ ուղեւորատար միկրոավտոբուսի եւ ամենագնացի վարորդների միջեւ վեճ է սկսվել։ Ամենագնացի վարորդը եւ ուղեւորները կոտրել են ավտոբուսի ապակիները։ Բեկորները լցվել են ավտոբուսի սրահ եւ վիրավորել ուղեւորներին, այդ թվում անչափահասների։ Տուժածներին ցուցաբերվել է բժշկական օգնություն։
Օպերատիվ միջոցառումների արդյունքում պարզվել է 24-33 տարեկան չորս տղամարդկանց հանցակցությունը։ Հարուցվել է քրեական գործ ՌԴ ՔՕ 213 հոդվածի 2-րդ մասով (խուլիգանություն)։
