Իսրայելին սպառնում է մի քանի ճակատով պատերազմ վարելու վտանգը․ Գալանտ
Իսրայելին սպառնում է մի քանի ճակատով պատերազմ վարելու վտանգը, եթե պատանդների շուրջ գործարք ձեռք չբերվի: Այս մասին հայտարարել է Իսրայելի պաշտպանության նախարար Յոավ Գալանտը։
Ռազմական ղեկավարության տեսանկյունից գործարքի կնքումը ոչ միայն թույլ կտա վերադարձնել պատանդներին, այլև կարող է նվազեցնել լարվածությունը Լիբանանի հետ սահմանին, որտեղ բախումներ են ընթանում շիաների «Հեզբոլլահ» շարժման հետ։ Միևնույն ժամանակ, փաստաթղթում նշված է, որ գործարքի ձախողումը կստեղծի «իրավիճակի արագ վատթարացման» սպառնալիք՝ «ընդհուպ մի քանի ճակատով պատերազմական վիճակ»։
Փաստաթուղթը ներկայացվել է վարչապետ Բենիամին Նեթանյահուին և նեղ շրջանակի բարձրաստիճան պաշտոնատար անձանց։ Այնտեղ նշված է, որ Իսրայելը գտնվում է «ռազմավարական խաչմերուկում» և պետք է ընտրություն կատարի։
