Մանուել Նոյերը հայտարարել է միջազգային կարիերան ավարտելու մասին
Դարպասապահ Մանուել Նոյերն ավարտում է կարիերան Գերմանիայի հավաքականում:
«Բավարիայի» 38-ամյա դարպասապահը հայտարարել է Գերմանիայի հավաքականում կարիերան ավարտելու մասին՝ սոցցանցերում տեսաուղերձ հրապարակելով։
«Շնորհակալություն, Գերմանիա: Ուրախ էի կրել այս թիմի մարզաշապիկը: Մենք շատ վերելքներ ու վայրէջքներ ունեցանք ազգային հավաքականի հետ: Կարծում եմ՝ բոլորը գիտեն կուլմինացիան՝ հաղթանակը «Մարականա» մարզադաշտում Արգենտինայի նկատմամբ, որտեղ մենք դարձանք աշխարհի չեմպիոն»,- գրել է Նոյերը։
Նոյերը Գերմանիայի հավաքականի գույները պաշտպանել է 2009 թվականից, թիմի կազմում անցկացրել է 124 հանդիպում և հաղթել 2014 թվականի աշխարհի առաջնությունում։
