ՏԵՍԱՆՅՈՒԹ. Հեղեղումներ Բաթումում. ջրով են լցվել փողոցներն ու շենքերի նկուղները

Հորդառատ անձրևը Բաթումում խնդիրներ է առաջացրել․ ջրով են լցվել փողոցները, մի շարք հասցեներում հեղեղվել են բնակելի տների նկուղները։ Քաղաքում երթևեկությունը նույնպես բարդացել է, գրում է formulanews.ge-ն։

Բաթումի քաղաքապետարանի տվյալներով՝ մաքրվում են ջրահեռացման հորերն ու դեպի ծով տանող ջրանցքները։

Նշվում է, որ քաղաքապետարանի համապատասխան ծառայության աշխատակիցներն ինտենսիվ մաքրում են դրենաժային հորերը, այս փուլում իրավիճակը կայուն է։ «Քաղաքապետարանի համապատասխան բոլոր ծառայություններն աշխատում են արտակարգ ռեժիմով»,- ասել է Բաթումի քաղաքապետ Արչիլ Չիկովանին։