Ուկրաինայից ասել են՝ ինչ կտա Կուրսկի վրա հարձակումն իրենց

Ուկրաինայի զինված ուժերի հարձակումը Կուրսկի շրջանի վրա դրական ազդեցություն կունենա hնարավոր խաղաղ բանակցությունների վրա և կամրապնդի Կիևի դիրքերը: Այս մասին հայտարարել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը։

«Արդյոք այն, ինչ տեղի է ունենում ՌԴ այս կամ այն սահմանային շրջանում, հոգեբանորեն կազդի սոցիալական շերտերի վրա ։ Դա կվախեցնի՞ նրանց: Այո՛։ Արդյո՞ք նրանք արձագանքում են այլ կերպ քան, վախենալն է: Ո՛չ», - հայտարարել է Պոդոլյակը։

Նա կարծում է, որ ցանկացած փոխզիջում Մոսկվան ընկալում է որպես թուլություն։ Պոդոլյակի խոսքով ՝ Ուկրաինայի բանակցային դիրքերի ուժեղացմանը պետք է հասնել «պատերազմի գնի բարձրացմամբ»։