ՏԵՍԱՆՅՈՒԹ. Բելառուսում մահվան դատապարտված գերմանացու արձագանքը` նրան ներում շնորհելու որոշմանը

Հրապարակվել է Բելառուսում մահապատժի դատապարտված գերմանացու արձագանքը ցուցադրող կադրերը, երբ վերջինս իմանում է իրեն ներում շնորհելու որոշման մասին։

Նախօրեին գերմանացի վարձկան Ռիկո Քրիգերն իմացել է, որ իրեն ողջ են թողնելու, լաց է եղել և շնորհակալություն հայտնել Լուկաշենկոյին դստերը տեսնելու հնարավորության համար։ Այժմ Քրիգերին սպառնում է կա՛մ ցմահ ազատազրկում, կա՛մ փոխանակման շրջանակներում տեղափոխում Գերմանիա:

 Նախկինում բելառուսական դատարանը Քրիգերին մեղավոր էր ճանաչել Քրեական օրենսգրքի վեց հոդվածներով, այդ թվում՝ շահադիտական ​​գործունեություն, օտարերկրյա պետության հետախուզական ծառայության հետ համագործակցություն և ահաբեկչություն: Նա կալանավորվել է 2023 թվականի հոկտեմբերի սկզբին և ձերբակալվել։ 2024 թվականի հունիսին գերմանացին դատապարտվեց մահապատժի։ Նա դիմել է Լուկաշենկոյին՝ ներման խնդրանքով։