Երևանում բացօթյա առևտրի կանխարգելման շրջանակում ավելի քան 5,7 տ ապրանք է առգրավվել

Երևանում բացօթյա ապօրինի առևտրի կանխարգելման շրջանակում ավելի քան 5,7 տ ապրանք է առգրավվել։ Այս մասին Երևանի քաղաքապետարանի գործակարգավարական խորհրդակցության ժամանակ հայտնեց հասարակական կարգի պահպանության ծառայության պետ Արամ Գյուլզադյանը։

Երևանի քաղաքապետարանը ժամանակ առ ժամանակ շրջայցեր է կազմակերպում, ինչպես նաև տուգանքի արձանագրություններ կազմում։ Քաղաքապետարանի աշխատակիցների հեռանալուց հետո ապօրինի առևտուրը, սակայն, նույն տեղում շարունակվում է։

«Հաշվետու ժամանակահատվածում` ոչ սահմանված տեղում, առևտրի իրականացման և ծառայություն մատուցելու համար մոտ 5 տոննա 720 կգ ապրանքատեսականի է առգրավվել»,– նշեց Գյուլզադյանը։

«Վարչական իրավախախտումների վերաբերյալ» ՀՀ օրենսգրքի 162 հոդվածի հիման վրա 111 արձանագրություն է կազմվել։