Լուսնի հողի մեջ ջուր են հայտնաբերել

Չինացի գիտնականները հայտնել են, որ լուսնի հողի նմուշներում ջրի հետքեր են հայտնաբերել, որոնք հավաքել է չինական «Chang'e-5» լուսնային զոնդը: Հետազոտության արդյունքները հրապարակել Է Nature Astronomy ամսագիրը։

2022 թվականին Chang'e-5 լուսնային զոնդն ավարտեց իր առաքելությունը՝ երկիր վերադարձնելով լուսնի ժայռերի և հողի նմուշները: Գիտնականները ինֆրակարմիր դետեկտոր են օգտագործել նմուշները վերլուծելու համար, ինչը թույլ է տվել հայտնաբերել ջրի հետքերի առկայությունը:

Ապրիլին հաղորդվել էր, որ Հռոմի երրորդ համալսարանի իտալացի գիտնականները նախատեսում են ուսումնասիրել Յուպիտերի արբանյակների ջրային ռեսուրսները JUICE տիեզերական առաքելության ընթացքում: Ենթադրվում է, որ Յուպիտերի և Սատուրնի արբանյակները, ինչպիսիք են Էնցելադուսը, Գանիմեդը, Եվրոպան և Կալիստոն, սառցե ընդերքի տակ պարունակում են հեղուկ ջրի օվկիանոսներ:

Մինչ այդ Սան Դիեգոյի Կալիֆորնիայի համալսարանի ամերիկացի հնէաբանների խումբը հայտարարել էր, որ Սատուրնի սառցե արբանյակ Էնցելադը պայմաններ ունի օրգանական կյանքի առաջացման համար: