Գործարար Ժորդի Թերմեսը մտադիր է առաջադրվել «Բարսելոնայի» նախագահի պաշտոնում։ Bizum բանկային ծառայության ստեղծողը կատալոնական ակումբի գրանցված անդմաներից մեկն է։

««Բարսելոնան» ավելացրել է պարտքը և կրճատել ակտիվները։ Հետևաբար, ֆինանսական տեսանկյունից ակումբն ավելի վատ վիճակում է, քան Լապորտայի ժամանման պահին։ Ի դեպ, Կատալոնիայում կան շատ հզոր շինարարական ընկերություններ, որոնք կարող էին վերակառուցել «Կամպ Նոուն», ուստի կարիք չկար դիմել Թուրքիային։

Լավ կադրերը հեռանում են «Բարսայից», և ես ցանկանում եմ, որ նրանք այսուհետ ոչ թե հեռանան, այլ հերթ կանգնեն «Բարսայում» աշխատելու համար:

«Բարսան», ինչպես ցանկացած ընկերություն, պետք է փող աշխատի։ Ընկերությունները պետք է փող աշխատեն: Տեսեք, ֆուտբոլային ակումբներն ունեն 1,2-1,3% զուտ շահույթ։

Կարծում եմ՝ այն կարելի է հասցնել նույնիսկ 5%-ի։ Իսկ դա կարելի է անել առանց 700-800 միլիոն ծախսելու։ Եվ դրա ապացույցը «Ժիրոնան» է, որի բյուջեն 60 միլիոն է, որն այս տարի մեզ ութ գոլ խփեց»,- ասաց Թերմեսը:

Հիշեցնենք, որ կատալոնական ակումբի նախագահի հաջորդ ընտրությունները կանցկացվեն 2026 թվականին։