ԼՈՒՍԱՆԿԱՐՆԵՐ․ Հրաձգություն՝ ծերանոցում. զինված անձը սպանել է իր մորը և այլոց․ Խորվաթիա
Խորվաթիայում զինված անձը կրակ է բացել Դարուվար քաղաքի ծերանոցում, որը գտնվում է Զագրեբից 130 կմ արևելք:
Երկրի իշխանությունների և լրագրողների տեղեկություններով՝ սպանվել է առնվազն հինգ մարդ, ևս հինգը վիրավորվել են:
Դատելով խորվաթ լրագրողների տվյալներից՝ կրակը բացել է 1973 թվականին ծնված մի տղամարդ, որը նախկինում մասնակցել է մարտական գործողություններին: Խորվաթական Jutarnji թերթը հարձակվողին նկարագրում է որպես պաշտոնաթող ոստիկան, նշում Է AFP-ն:
Ըստ որոշ տեղեկությունների՝ նա սպանել է իր մորը և ևս չորս մարդու։
Տեղական թիվ 1 պարբերականը հայտնում է, որ հարձակվողը փախուստի է դիմել դեպքի վայրից, սակայն ավելի ուշ ձերբակալվել է:
Խորվաթիայի վարչապետ Անդրեյ Պլենկովիչը կոչ է արել մանրակրկիտ հետաքննություն անցկացնել հարձակման վերաբերյալ:
Դարուվարում ապրում է մոտ 7 հազար մարդ։ Սա առողջարանային քաղաք է։
