Ավստրալացի մարզիկի մատն անդամահատել են՝ Փարիզի Օլիմպիական խաղերին մասնակցելու համար

Ավստրալիայի խոտի հոկեյի հավաքականի անդամ Մեթ Դոուսոնի մատն անդամահատել են՝ Փարիզի Օլիմպիական խաղերին մասնակցելու համար: Այս մասին հայտնում է 7News-ը։

30-ամյա մարզիկը Ֆրանսիա մեկնելուց առաջ կոտրել է աջ ձեռքի մատնեմատը։ Սովորաբար նման դեպքերում կոտրված մատին գիպս են դնում, սակայն այս տարբերակը ավստրալացուն կզրկեր Օլիմպիական խաղերում խաղալու հնարավորությունից։ Արդյունքում Դոուսոնը որոշել է անդամահատել վնասված մատի վերին ֆալանգը։

«Պլաստիկ վիրաբույժի հետ որոշում կայացրի ոչ միայն Փարիզում խաղալու հնարավորության համար, այլև իմ ողջ կյանքում: Ինձ համար լավագույն տարբերակը մատի վերին մասը հեռացնելն էր։ Կարծում եմ, որ դա հետաքրքիր մարտահրավեր է: Հուսով եմ, որ ինձ շատ երկար չի տևի մարզավիճակ վերադառնալու համար», - ասաց Դոուսոնը:

Ավստրալիայի գլխավոր մարզիչ Քոլին Բետչն ասել է, որ Դոուսոնի որոշումը նվիրվածության անհավանական դրսեւորում էր:

«Դոուսոնն արդեն վերադարձել է մարզումների: «Նա բարձր նշաձող է սահմանել նրանց համար, ովքեր ապագայում կունենան մատի կոտրվածք, բայց Մեթը մեծ հարգանքի է արժանի այս որոշումը կայացնելու և Փարիզում խաղալու պարտավորված լինելու համար»,- ասել է Հեթը։