ՏԵՍԱՆՅՈՒԹ. Ռեփեր Դրեյքի առանձնատունը հեղեղվել է` Տորոնտոյում տեղատարափ անձրեւների հետևանքով

Կանադացի ռեփեր Դրեյքի (Օբրի Դրեյք Գրեհեմ) Տորոնտոյի առանձնատունը հեղեղվել է քաղաքում տեղացած հորդառատ անձրևների հետևանքով: Այս մասին հուլիսի 16-ին հայտնել է երաժիշտը։

Հրապարակված տեսանյութում պղտոր ջրի հոսքը, որը թափանցել է մուտքի դռնով, լցնում է տան հատակը։ Ինստագրամի հոլովակին կից արտիստը գրել է, որ «Ավելի լավ է դա լիներ «էսպրեսսո-Մարտինի»:

Նախօրեին Տորոնտոյում տեղացել է գրեթե 100 մմ տեղումներ, ինչը գերազանցել է 1941 թվականի ռեկորդը։ Փոթորկի պատճառով մոտ 167 հազար մարդ մնացել է առանց էլեկտրականության։

Քաղաքում հորդառատ անձրևներից հետո հեղեղվել են մի քանի մայրուղիներ և առանցքային տրանսպորտային հանգույցը: