Արգենտինայի հավաքականը ռեկորդային 16-րդ անգամ դարձավ ֆուտբոլի Ամերիկայի Գավաթի հաղթող:

Արգենտինայի հավաքականը լրացուցիչ ժամանակում 1:0 հաշվով հաղթեց Կոլումբիայի հավաքականին Ամերիկայի գավաթի եզրափակչում: Հանդիպումը տեղի է ունեցել Մայամի Գարդենս քաղաքում (ԱՄՆ, Ֆլորիդա նահանգ):

Գոլը 112-րդ րոպեին խփել է Լաուտարո Մարտինեսը:

Հավաքականի ավագ Լիոնել Մեսսին վնասվածքի պատճառով չկարողացավ ավարտել հանդիպումը: Նա վնասվածք ստացավ երկրորդ խաղակեսում և փոխարինվեց 66-րդ րոպեին:

Մեսսին չկարողացավ զսպել արցունքները պահեստայինների նստարանին հայտնվելու պատճառով: Նա ոտքի վնասվածք էր ստացել Կոլումբիայի հավաքականի հարձակվող Լուիս Դիասի հետ բախման հետևանքով։

37-ամյա արգենտինացին վերջին անգամ մասնակցեց Ամերիկայի գավաթին։