ԱՄՆ նախկին նախագահ Դոնալդ Թրամփի դեմ մահափորձը կատարել է 20-ամյա Թոմաս Մեթյու Քրուքսը, հայտնում է ՀԴԲ-ն: Կասկածյալը սպանվել է այն բանից հետո, երբ արձակել է առնվազն 9 փամփուշտ: Հրաձգությունից քիչ առաջ նա տեսանյութ է ձայնագրել, որում հայտարարել Է հանրապետականների և անձամբ Թրամփի նկատմամբ իր ատելության մասին:

«Եվ գիտեք ինչ։ Դուք սխալ մարդու հետ եք կապվել», - եզրափակել է Քրուքսը։

ԱՄՆ Փենսիլվանիա նահանգի Բաթլեր քաղաքում նախընտրական հանրահավաքի ժամանակ կրակոցներ են հնչել:

Ինքը՝ Քրուքսը, դիրքավորվել է շենքերից մեկի տանիքում՝ մոտ 130 մետր հեռավորության վրա, ինչը, ինչպես նշել են ՀԴԲ-ում, Գաղտնի ծառայության անվտանգության պարագծից դուրս է եղել: Միաժամանակ ականատեսները պնդում են, որ մի քանի մարդ ուշադրություն է դարձրել կիսաավտոմատ հրացանով կասկածելի մարդու վրա, սակայն թիկնապահները ոչ մի գործողություն չեն ձեռնարկել:

Մահափորձի զոհ է դարձել մեկ մարդ, ևս երկու հանդիսատես ծանր վնասվածքներ են ստացել։ Ինքը ՝ Թրամփը, ազատվել է աջ ականջի վիրավորումից, օգնություն ցուցաբերելուց հետո նա լքել է հոսպիտալը և ինքնաթիռով մեկնել Նյու Ջերսի։