Ծնողները ստիպել են իրենց 6-ամյա դստերը զբաղվել թմրանյութերի տարածմամբ. Թաիլանդ
Թաիլանդում տղամարդը դիմել է տեղի հասարակական աշխատակցին, ով 6-ամյա աղջկան փրկել է իր թմրամոլ ծնողներից, հայտնում է The Taiger-ը:
Սուփան Բուրի նահանգի բնակիչը դիմել է երկրում հայտնի ակտիվիստին, որպեսզի կազմակերպի փոքրիկ աղջկա փրկությունը այն բանից հետո, երբ տեսել է, որ նրա ընտանիքի անդամները թմրանյութեր են օգտագործում և ստիպում են նրան դրանք տարածել ամբողջ շրջանում: Հայտնի է, որ ընտանիքի տունը գտնվել է ոստիկանական բաժանմունքից ոչ հեռու, սակայն իրավապահները կարծես չեն նկատել կատարվածը:
Տղամարդը վաղուց ճանաչում էր ընտանիքը, և երբ աղջիկը խոստովանեց, որ մայրը հաճախ է ծեծում իրեն, որոշեց գործել: Պարզվել է, որ թմրանյութ օգտագործում են տուժողի մայրը, խորթ հայրը, ինչպես նաև տատն ու պապը հենց նրա աչքի առաջ: Ավելի ուշ տղամարդը պարզել է, որ աղջիկը տնից թմրանյութերի փաթեթներ է վերցրել և բաժանել մոտակայքում ապրող այլ թմրամոլների։
Պետական մարմիններում երեխային օգնել փորձող տղամարդուն մերժել են և ուղեկցել։ Նրա տվյալներով՝ խոշոր թմրավաճառն այդ տեղանքի ժողովրդի թմրամոլներին նյութեր է մատակարարել աղջկա ընտանիքի միջոցով, եւ ոստիկանությունն այդ մասին իմացել է:
Հասարակական գործիչը, որին դիմել է թայլանդացին, Սուփան Բուրի է եկել հուլիսի 10-ին։ Նրա միջամտության շնորհիվ ոստիկանությունը հետաքննություն է սկսել և ձերբակալել երեք թմրավաճառների։
